Congress | लोकसभा निवडणुकीच्या उत्साहात काँग्रेसला आणखी एक धक्का बसला आहे. बॉक्सर विजेंद्र सिंग भाजपमध्ये दाखल झाले आहेत. भाजप नेते विनोद तावडे यांनी त्यांच्या भारतीय जनता पक्षाच्या (भाजप) मुख्यालयात त्यांचा पक्षात समावेश केला आहे.
बॉक्सर विजेंद्र सिंगने ट्विटरवर (एक्स) एक ओळीची पोस्ट टाकली होती, ज्यानंतर लोकसभा निवडणुकीपूर्वी अनेक तर्क-वितर्कांना सुरुवात झाली होती. त्यांनी लिहिले की, ‘जेथे जनतेची इच्छा असेल, मी तयार आहे.’ दरम्यान, 2019 मध्ये काँग्रेस पक्षात प्रवेश केलेल्या विजेंद्र यांना पहिल्याच निवडणुकीत पराभवाचा सामना करावा लागला होता. यानंतरही ते पक्षाशी जोडले गेले, मात्र डिसेंबर २०२३ मध्ये त्यांनी सोशल मीडियावर राजकारणातून निवृत्ती जाहीर केली होती. मात्र, ते पुनरागमन करू शकतत, अशी शक्यता वर्तवली जात आहे.
विजेंद्र यांची राजकीय कारकीर्द फारच लहान राहिल्याची माहिती आहे. 2019 मध्ये काँग्रेसमध्ये प्रवेश करून, त्यांनी दक्षिण दिल्लीच्या जागेवरून निवडणूक लढवली, परंतु रमेश विधुरी यांच्या विरोधात त्यांचा पराभव झाला. यानंतर त्यांची राजकारणातील सक्रियता कमी झाली आणि डिसेंबर २०२३ मध्ये त्यांनी सोशल मीडियावर लिहिले – राजकारणाला राम-राम. यानंतर विजेंद्र यांनी राजकारणापासून दुरावल्याची अटकळ बांधली जात होती.
विजेंद्र सिंग हे भारतातील हरियाणा येथील जाट आहेत. त्यांचा जन्म 29 ऑक्टोबर 1985 रोजी हरियाणातील भिवानी जिल्ह्यातील कालुवास नावाच्या गावात झाला. त्यांचे वडील महिपाल सिंग बेनिवाल हे हरियाणा रोडवेजमध्ये बस ड्रायव्हर आहेत आणि आई कृष्णा देवी गृहिणी आहेत. विजेंद्र यांचा मोठा भाऊ मनोज हा देखील बॉक्सर आहे. विजेंद्रने आपले प्राथमिक शिक्षण कालुवास येथील शाळेतून पूर्ण केले.
Accident News । नमाज अदा करून येणाऱ्या तरूणाचा भीषण अपघात! ट्रक आणि दुचाकीच्या धडकेत जागीच ठार