Mumbai। News । मुंबईत एक हृदयद्रावक घटना समोर आली आहे. येथे कारमध्ये दोन मुलांचे मृतदेह आढळून आले. ही दोन मुले खेळत असताना घरातून कारमध्ये आली होती आणि त्यांनी कारचा दरवाजा आतून बंद केला होता. त्यामुळे गुदमरून दोघांचा मृत्यू झाला. सध्या पोलीस पथकाने मृतदेह ताब्यात घेतला असून पुढील तपास सुरू आहे. मात्र या घटनेमुळे कुटुंबियांवर मोठी शोककळा पसरली आहे.
ही घटना मुंबईतील अँटॉप हिल परिसरात घडली. रिपोर्ट्सनुसार, हे दोघे भाऊ-बहीण या भागात आपल्या आई-वडिलांसोबत राहत होते. त्याच्यामध्ये सात वर्षांचा मुलगा आणि त्याची पाच वर्षांची बहीण होती. 24 एप्रिल रोजी दोघे भाऊ-बहीण खेळण्यासाठी घराबाहेर पडले होते. त्यांच्या कुटुंबीयांच्या म्हणण्यानुसार, दोन्ही मुले बराच वेळ घरी परतली नाहीत. त्यानंतर त्यांच्या पालकांनी त्यांचा शोध सुरू केला.
Eknath Shinde । शिंदे गटाला मोठा धक्का! बड्या नेत्याने दिला राजीनामा
बराच उशीर झाला पण मुले कुठेच सापडली नाहीत, त्यानंतर घाबरलेल्या पालकांनी जवळचे पोलीस ठाणे गाठले. पालकांनी पोलिस ठाण्यात दोघांच्या हरवल्याची तक्रार नोंदवली आणि पोलिसांना मुलांचा शोध घेण्याची विनंती केली. या प्रकरणाची माहिती मिळताच पोलीस पथक कारवाईत आले. पोलिसांनी तात्काळ मुले हरवल्याची तक्रार नोंदवून या प्रकरणाचा तपास सुरू केला. पोलिसांनी परिसरातील सीसीटीव्ही फुटेज तपासले. तसेच आजूबाजूच्या परिसरात मुलांचा शोध घेतला असता मुले कुठेही सापडली नाहीत.
Nasim Khan । निवडणुकीपूर्वी काँग्रेसला मोठा धक्का! स्टार प्रचारकाने दिला राजीनामा
यावेळी जवळच्या परिसरात एक जुनी कार उभी असल्याचे पोलिसांच्या निदर्शनास आले. ही गाडी चिखल आणि धुळीने माखली होती. पोलिसांना दोन्ही मुलांचे मृतदेह एकाच गाडीत सापडले. पोलिसांनी दिलेल्या माहितीनुसार, दोन्ही मुलांनी खेळत असताना कार आतून लॉक केली होती. यावेळी दोघांचाही गुदमरल्याने मृत्यू झाला. साजिद असे मृत मुलाचे नाव असून मुस्कान असे मुलीचे नाव आहे. सध्या पोलिसांनी दोन्ही मृतदेह ताब्यात घेतले असून पुढील तपास सुरू आहे.
Pune Koyta Gang । पुण्यात कोयता गॅंगचा पुन्हा धुमाकूळ! 5 रिक्षा, 15 ते 20 दुचाकी, कारची केली तोडफोड