![LPG Cylinder Blast](https://www.elokhit.com/wp-content/uploads/2024/06/LPG-Cylinder-Blast-1024x576.jpg)
LPG Cylinder Blast । मुंबईतील चेंबूर भागात एलपीजी सिलिंडरचा स्फोट झाला आहे. या अपघातात 9 जण जखमी झाले आहेत. स्फोटानंतर चेंबूरच्या सिद्धार्थनगर येथील जैन मंदिरासमोरील चाळीत सिलेंडरचा स्फोट होऊन आग लागली. या स्फोटात एक जण गंभीर भाजला आहे. मात्र, अर्ध्या तासात आग आटोक्यात आली. सहा जणांना राजावाडी रुग्णालयात तर काहींना जवळच्या सायन, शताब्दी आणि मानेक रुग्णालयात नेण्यात आले.
Maharashtra Lok Sabha Result । सर्वात मोठी बातमी! महाराष्ट्रात काँग्रेसने भाजपला दिला मोठा धक्का
56 वर्षीय रमेश गायकवाड हे 60 टक्के भाजले असून त्यांची प्रकृती चिंताजनक असल्याचे सांगण्यात येत आहे. 20 ते 40 टक्के भाजलेल्या इतरांची प्रकृती स्थिर असल्याचे सांगण्यात येत आहे. जखमींपैकी १७ वर्षीय श्रेयांश सोनखांबे असे जखमीचे नाव आहे. मुंबई अग्निशमन दलाने दिलेल्या निवेदनानुसार त्यांना किरकोळ दुखापत झाली असून त्यांची प्रकृती स्थिर आहे.
एका अधिकाऱ्याने सांगितले की, स्फोटामुळे घराची भिंत कोसळली आणि शेजारील दुकानाच्या छतालाही तडे गेले. चेंबूरमधील सीजी गिडवाणी रोडवर असलेल्या एका घरात एका महिलेने स्वयंपाकासाठी गॅसची शेगडी पेटवल्याची घटना सकाळी 7.30 च्या सुमारास घडली. त्यांनी सांगितले की, लिक्विफाइड पेट्रोलियम गॅस (एलपीजी) सिलिंडरमधून आधीच गळती होत असल्याने स्टोव्ह पेटवताच त्याचा स्फोट झाला. अधिकाऱ्याने सांगितले की, स्फोटानंतर आग लागली आणि नंतर ती विझवण्यात आली.