Narendra Modi Oath Taking Ceremony | नरेंद्र मोदी यांनी रविवारी 9 जून रोजी सलग तिसऱ्यांदा पंतप्रधानपदाची शपथ घेतली. नरेंद्र मोदी यांनी 26 मे 2014 रोजी पहिल्यांदा आणि 30 मे 2019 रोजी दुसऱ्यांदा पंतप्रधान म्हणून शपथ घेतली. नरेंद्र मोदी हे स्वातंत्र्यानंतर जन्मलेले पहिले पंतप्रधान आहेत. यासोबतच केंद्रात सलग 10 वर्षे बहुमताने बिगर काँग्रेस सरकार चालवणारे मोदी हे एकमेव नेते आहेत.
Ajit Pawar । अजित पवारांचे पुणेकरांना मोठे आव्हान; म्हणाले, “घराबाहेर पडू नका..”
शपथविधीला कोणते पाहुणे उपस्थित होते?
पंतप्रधान नरेंद्र मोदी यांच्या शपथविधी सोहळ्यासाठी सात देशांच्या प्रमुखांना आमंत्रित करण्यात आले होते. या समारंभात मालदीवचे अध्यक्ष डॉ. मोहम्मद मुइज्जू, श्रीलंकेचे अध्यक्ष रानिल विक्रमसिंघे, सेशेल्सचे उपाध्यक्ष अहमद अफिक, बांगलादेशच्या पंतप्रधान शेख हसीना, मॉरिशसचे पंतप्रधान प्रविंद जुगनाथ, नेपाळचे पंतप्रधान पुष्प कमल दहल ‘प्रचंड’ आणि भूतानचे पंतप्रधान शेरिंग तोबगे उपस्थित होते.
दरम्यान, आज सकाळी पंतप्रधान मोदींनी राष्ट्रपिता महात्मा गांधी आणि देशाचे माजी पंतप्रधान अटलबिहारी वाजपेयी यांच्या समाधीवर जाऊन आदरांजली वाहिली. त्यांनी राष्ट्रीय युद्ध स्मारकालाही भेट देऊन शहीद जवानांना आदरांजली वाहिली. त्यांनी सर्वप्रथम महात्मा गांधींची समाधी असलेल्या राजघाटावर पोहोचून राष्ट्रपिता यांना आदरांजली वाहिली. यानंतर त्यांनी माजी पंतप्रधान अटलबिहारी वाजपेयी ‘सदैव अटल’ यांच्या समाधीचे दर्शन घेऊन त्यांना आदरांजली वाहिली. यानंतर पंतप्रधानांनी राष्ट्रीय युद्ध स्मारकावर पोहोचून शहीद जवानांना श्रद्धांजली वाहिली. तेथे तिन्ही सैन्याच्या प्रमुखांनी त्यांचे स्वागत केले. यावेळी त्यांच्यासोबत भाजपचे ज्येष्ठ नेते राजनाथ सिंह उपस्थित होते.
Devendra Fadnavis । निवडणुकीतील पराभवावर देवेंद्र फडणवीस यांचे मोठे वक्तव्य; म्हणाले…