Eknath Shinde । लोकसभा निवडणुकीच्या तोंडावर अनेक राजकीय नेते प्रचाराला लागले आहेत. सगळीकडे प्रचाराचा धडाका सुरु असल्याचे पाहायला मिळत आहे. त्याचबरोबर राजकीय नेते अनेक मोठे गौप्यस्फोट देखील करत आहेत. महाराष्ट्राचे उपमुख्यमंत्री देवेंद्र फडणवीस यांनी उद्धव ठाकरेंबाबत एक दावा केला होता. दरम्यान आता या दाव्यावर मुख्यमंत्री एकनाथ शिंदे यांचीही प्रतिक्रिया समोर आली आहे. एकनाथ शिंदे यांच्या बंडानंतर उपमुख्यमंत्री देवेंद्र फडणवीस यांनी उद्धव ठाकरेंना मुख्यमंत्रीपदाची ऑफर दिल्याचा खुलासा केला. यावर मुख्यमंत्री एकनाथ शिंदे यांनीही होय, त्यांच्या तथ्य असल्याचा दावा केला आहे.
मुख्यमंत्री एकनाथ शिंदे यांची प्रतिक्रिया
एकनाथ शिंदे म्हणाले की, बाळासाहेब ठाकरेंचे विचार जेव्हा बाजूला ठेवले गेले. त्यावेळी आम्ही वैचारिक भूमिका घेतली. माझाही निरोप घेतला गेला. तसेच दिल्लीशी संपर्क साधण्याचा प्रयत्न करून संपूर्ण शिवसेना तुमच्यासोबत येईल, असे सांगितले. मात्र तोपर्यंत त्यांची शिवसेना नव्हती. माझ्यासोबत 50 लोक होते. देवेंद्र फडणवीस जे म्हणाले ते खरे आहे. आणखीही अनेक गोष्टी आहेत. मात्र, याबाबत बोलण्याची इच्छा नसल्याचे त्यांनी स्पष्ट केले.
काय म्हणाले होते देवेंद्र फडणवीस?
महाराष्ट्राचे उपमुख्यमंत्री देवेंद्र फडणवीस यांनी मोठा खुलासा केला होता, एकनाथ शिंदे यांच्या बंडानंतर उद्धव ठाकरेंनी मला मुख्यमंत्रीपदाचा प्रस्ताव दिला होता. उपमुख्यमंत्री देवेंद्र फडणवीस यांनी दावा केला आहे की, त्यांना उद्धव ठाकरेंचा फोन आला होता ज्यामध्ये त्यांना पद स्वीकारण्याची ऑफर देण्यात आली होती.
Yogi Adityanath । सांगलीत योगी आदित्यनाथ कडाडले; म्हणाले, “काँग्रेस पुन्हा सत्तेत आली तर…”