Raj Thackeray । महाराष्ट्र नवनिर्माण सेनेने (मनसे) सोमवारी चित्रपट दिग्दर्शक अभिजित पानसे यांना विधान परिषदेच्या निवडणुकीसाठी कोकण पदवीधर मतदारसंघातून उमेदवारी जाहीर केली. या मतदारसंघाचे प्रतिनिधित्व सध्या भाजपचे निरंजन डावखरे करत आहेत. राज्यातील परिषद निवडणुकीसाठी 26 जून रोजी मतदान होत आहे.
Ghatkopar Hoarding Case । घाटकोपर होर्डिंग घटनेतील आरोपीला मोठा धक्का, कोर्टाने वाढवली पोलिस कोठडी
गेल्या महिन्यात लोकसभा निवडणुकीपूर्वी मनसे अध्यक्ष राज ठाकरे यांनी महाराष्ट्रातील भाजप, शिवसेना आणि राष्ट्रवादीच्या महाआघाडीला बिनशर्त पाठिंबा देण्याचा निर्णय घेतला होता. यावेळी राज ठाकरेंनी पंतप्रधान नरेंद्र मोदींना पाठिंबा जाहीर केला होता. लोकसभा निवडणुका देशाचे भवितव्य ठरवतील, असे ते म्हणाले होते. यामध्येच आता राज ठाकरेंनी, भाजपचा बालेकिल्ला समजला जाणाऱ्या कोकण पदवीधर मतदारसंघ निवडणुकीत मनसेकडून अभिजीत पानसेंची उमेदवारी जाहीर केली आहे. मात्र आता भाजपसाठी हा सर्वात मोठा धक्का मानला जात आहे.
मनसेचे अभिजीत पानसे, कोकण पदवीधर मतदारसंघाचे उमेदवार.
सोमवारी मनसेचे सरचिटणीस शिरीष सावंत यांनी कोकण पदवीधर मतदारसंघासाठी पानसे यांच्या नावाची घोषणा केली. भाजपने अद्याप एमएलसी निवडणुकीसाठी उमेदवारांची घोषणा केलेली नाही. उमेदवारी अर्ज भरण्याची शेवटची तारीख ७ जून आहे. 26 जून रोजी मतदान होणार असून 1 जुलै रोजी निकाल जाहीर होणार आहे.