Satara Lok Sabha । सध्या सर्वत्र लोकसभा निवडणुकीची (Lok Sabha 2024) रणधुमाळी सुरु आहे. अनेक पक्ष त्यांच्या उमेदवारांची घोषणा करत आहेत. काही जागांवरून महायुतीमध्ये रस्सीखेच सुरु आहे. काही जागांवरचा तिढा अजूनही सुटला नाही. अशातच खासदार उदयनराजेंना सर्वात मोठा धक्का बसण्याची शक्यता आहे. कारण बड्या नेत्याने सातारा लोकसभा लढण्याची इच्छा व्यक्त केली आहे. (Latest marathi news)
महायुतीच्या कऱ्हाडमधील मेळाव्यात आर्थिक विकास महामंडळाचे अध्यक्ष नरेंद्र पाटील (Narendra Patil) यांनी थेट उदयनराजे भोसले (Udayanraje Bhosale) यांच्या समोरच सातारा लोकसभा लढण्याची इच्छा व्यक्त करत दिल्लीत आमचे कोणीही नाही. पण आम्ही मुंबईत सागर बंगल्यावर जातो असे विधान केले. त्यामुळे राजकीय वर्तुळात पुन्हा एकदा सातारा लोकसभेची चर्चा सुरु आहे.
जर नरेंद्र पाटील यांनी उमेदवारी मिळाली तर त्यामुळे उदयनराजे भोसले यांना धक्का बसू शकतो. महायुतीची उमेदवारी आपल्याला मिळावी यासाठी खासदार उदयनराजे भोसले, आण्णासाहेब पाटील, आर्थिक विकास महामंडळाचे अध्यक्ष नरेंद्र पाटील, पुरुषोत्तम जाधव अन्य काही जणांनी प्रयत्न सुरु केले आहेत. असे असताना नरेंद्र पाटील यांच्या मागणीमुळे सर्वांनी आश्चर्य व्यक्त केले आहे.
Sanjay Raut । खिचडी घोटाळा प्रकरणी संजय राऊत सूत्रधार! बड्या नेत्याचा खळबळजनक दावा