Lok Sabha Election 2024 Date । निवडणूक आयोगाच्या दोन नवीन निवडणूक आयुक्तांची नावे निश्चित करण्यात आली आहेत. पंतप्रधानांच्या अध्यक्षतेखाली गुरुवारी (१४ मार्च) झालेल्या निवड समितीच्या बैठकीत केरळचा ज्ञानेश कुमार आणि पंजाबचा बलविंदर संधू यांची नावे निश्चित करण्यात आली आहेत. या बैठकीत विरोधी पक्षनेते अधीर रंजनही सहभागी झाले होते. दरम्यान, निवडणूक आयोग शुक्रवारी (१५ मार्च) लोकसभा निवडणुकीच्या तारखा जाहीर करणार असल्याचे सूत्रांनी सांगितले.
निवडणुकीची घोषणा होताच देशात आदर्श आचारसंहिता लागू होणार आहे. सूत्रांनी दिलेल्या माहितीनुसार, जम्मू-काश्मीरमध्ये लोकसभा आणि विधानसभा निवडणुका एकाच वेळी होऊ शकतात. मुख्य निवडणूक आयुक्त राजीव कुमार यांनी बुधवारी जम्मू-काश्मीरला भेट दिली. यावेळी त्यांनी अनेक राजकीय पक्षांच्या प्रतिनिधींची भेट घेतली. जम्मू-काश्मीरमध्ये लोकसभेसोबत विधानसभा निवडणुका घेण्याची मागणीही सर्व पक्षांनी केली. (Lok Sabha Election 2024 Date)
अनेक राज्यांमध्ये विधानसभा निवडणुका
लोकसभा निवडणुकीसोबतच निवडणूक आयोग जम्मू-काश्मीर, आंध्र प्रदेश, ओडिशा, अरुणाचल प्रदेश या राज्यांतील विधानसभा निवडणुकाही जाहीर करणार आहे. मात्र, जम्मू-काश्मीरबाबत काय निर्णय होणार? आगामी लोकसभा निवडणूकही 2019 प्रमाणे सात टप्प्यात होण्याची शक्यता वर्तवली जात आहे.
Vasant More । वसंत मोरेंनी घेतली शरद पवारांची भेट; राजकीय वर्तुळात चर्चांना उधाण