Rohit Sharma । आयपीएलमधील (IPL) सर्वात यशस्वी कर्णधारांचे नाव आले तर त्या यादीत महेंद्रसिंग धोनीला (Mahendra Singh Dhoni) टक्कर देऊ शकेल असा एकच कर्णधार आहे. रोहित शर्मा असे त्या कर्णधाराचे नाव आहे. रोहितच्या नेतृत्वाखाली मुंबई इंडियन्सने (Mumbai Indians) आयपीएलचे पहिले विजेतेपद पटकावले होते. त्याच्या नेतृत्वाखाली मुंबईने पाचवेळा आयपीएल ट्रॉफी उंचावली, पण शुक्रवारी या फ्रँचायझीने सर्वांना चकित करत मोठा निर्णय घेतला.
फ्रेंचायझीने नुकतेच गुजरात टायटन्सकडून (Gujarat Titans) ट्रेड झालेल्या हार्दिक पंड्याला संघाचा कर्णधार म्हणून नियुक्त केले आणि रोहितला कर्णधारपदावरून हटवले. त्यामुळे संपूर्ण भारतीय क्रिकेट विश्वात खळबळ उडाली होती. यामुळे रोहितचे चाहते चांगलेच संतापले होते. यातील एका चाहत्याने मुंबई इंडियन्सची कॅपही जाळली.
रोहितने २०१३ पासून आयपीएलमध्ये मुंबई इंडियन्सचे नेतृत्व केले आहे. त्याच्या नेतृत्वाखाली संघाने 2013, 2015, 2017, 2019, 2020 मध्ये विजेतेपद पटकावले. गेल्या वर्षीही हा संघ प्लेऑफमध्ये पोहोचला होता. जेव्हा रोहितने मुंबई इंडियन्सला शिखरावर नेले तेव्हाच तो टीम इंडियाचा कर्णधार झाला आणि आज तो संघाचे नेतृत्व करत आहे.
व्हिडिओ व्हायरल झाला
पांड्याला मुंबईचा कर्णधार करण्याचा निर्णय समोर येताच रोहितचे चाहते आणि काही मुंबईकरही निराश झाले. दरम्यान, ट्विटरवर एक व्हिडिओ व्हायरल होत आहे ज्यामध्ये एक चाहता मुंबई इंडियन्सची कॅप जमिनीवर टाकतो आणि नंतर पायाने चिरडतो. यानंतर ही व्यक्ती ही टोपी जाळून टाकते. सध्या हा व्हिडीओ सोहळा मीडियावर तुफान व्हायरल झाला आहे.
Rohit Sharma over anything pic.twitter.com/PZQ24D7tfy
— Yasir45🇮🇳 (@PoetVanity45) December 15, 2023