Pune Crime News । पुण्यात दिवसाढवळ्या दिवसेंदिवस गुन्हेगारी वाढत चालली आहे. विद्येचे माहेरघर असलेल्या पुण्यात अनेक मोठमोठे गुन्हे घडतच आहेत. यामुळे पुण्यातील नागरिकांमध्ये भीतीचे वातावरण निर्माण झाले आहे. सध्या देखील पुण्यातून एक धक्कादायक बातमी समोर आली आहे. या ठिकाणी एका चिकन विक्रेत्याने रस्त्यावरून जाणाऱ्या नागरिकांवर अचानक सुरा घेऊन हल्ला केला असल्याची घटना घडली आहे.
या घटनेमध्ये दोन पोलिसांसह काहीजण जखमी झाल्याची माहिती मिळत आहे. पुणे शहरातील नऱ्हे परिसरात मंगळवारी दुपारच्या सुमारास ही घटना घडली आहे. या घटनेमुळे तेथील परिसरात एकच खळबळ उडाली. पुण्यात सतत गुन्हेगारीच्या अशा घटना घडत असल्यामुळे नागरिकांमध्ये देखील भीतीचे वातावरण निर्माण झाले आहे.
या घटनेनंतर पोलिसांनी चिकन विक्रेत्याचा शोध घेतला आणि त्याला अटक केली आहे. पोलिसांनी दिलेल्या माहितीनुसार, आरोपी सोमवारी दुकानात बसून सुरा फिरवत रस्त्यावरून येणाऱ्या जाणाऱ्या नागरिकांमध्ये दहशत निर्माण करण्याचा प्रयत्न करत होता. मात्र याच्याकडे कोणी लक्ष दिले नाही. यामुळे मंगळवारी आरोपीची हिंमत अजूनच वाढली आणि त्याने थेट रस्त्यावर उतरून नागरिकांवर सुरीने हल्ला करण्यास सुरुवात केली.