Devendra Fadnavis । अर्थमंत्री निर्मला सीतारामन यांनी गुरुवारी 2024-25 या आर्थिक वर्षाचा अंतरिम अर्थसंकल्प सादर केला. या अंतरिम अर्थसंकल्पावर महाराष्ट्राचे उपमुख्यमंत्री देवेंद्र फडणवीस यांची प्रतिक्रिया समोर आली आहे. अंतरिम अर्थसंकल्पावर फडणवीस म्हणाले, “…अर्थमंत्री निर्मला सीतारामन यांनी या अर्थसंकल्पात गरीब आणि मध्यमवर्गीयांसाठी अनेक योजना जाहीर केल्या आहेत… महिलांसाठी लखपती दीदी योजना आणली आहे, याअंतर्गत 3 कोटी महिलांचे उद्दिष्ट ठेवण्यात आले आहे. लखपती दीदी तयार करण्यासाठी… अर्थमंत्र्यांनी आत्मविश्वासाने सांगितले आहे की विकसित भारताचा रोडमॅप पूर्ण अर्थसंकल्पात सादर केला जाईल.”
Budget 2024 । अर्थसंकल्पात महिलांसाठी धडाकेबाज निर्णय, वाचा महत्वाच्या घोषणा
काय आहे ‘लखपती दीदी’ योजना?
केंद्रीय अर्थमंत्री निर्मला सीतारामन यांनी गुरुवारी अंतरिम अर्थसंकल्पात वार्षिक किमान 1 लाख रुपये कायमस्वरूपी उत्पन्न मिळवणाऱ्या बचत गटातील कामगारांसाठी ‘लखपती दीदी’ योजनेचा विस्तार करण्याची घोषणा केली. अर्थमंत्र्यांनी संसदेत आपल्या अर्थसंकल्पीय भाषणात सांगितले की, ‘लखपती दीदी’ योजनेचे उद्दिष्ट जे सुरुवातीला 2 कोटी महिलांसाठी ठेवण्यात आले होते, ते वाढवून 3 कोटी महिलांवर नेण्यात आले आहे.
Budget 2024 Live । अर्थसंकल्पात निर्मला सीतारामन यांनी केली सर्वात मोठी घोषणा!
त्या म्हणाल्या की, गेल्या 10 वर्षात उद्योजकतेच्या माध्यमातून महिलांचे सक्षमीकरण, राहणीमान सुलभता आणि त्यांचा सन्मान या गोष्टींना वेग आला आहे. नऊ कोटी महिलांचा समावेश असलेले ८३ लाख बचत गट सक्षमीकरण आणि स्वावलंबनाने ग्रामीण सामाजिक-आर्थिक परिस्थिती बदलत आहेत यावर त्यांनी भर दिला.