Crime News । सध्या लहानांपासून वयोवृद्ध व्यक्तींमध्ये रील (Reel) बनवण्याचा ट्रेंड आला आहे. सोशल मीडियावर (Social media) तुम्ही दररोज अनेक व्हिडिओ असाल. यातील काही व्हिडिओ खूप व्हायरल (Social media viral video) होतात. सर्वात महत्त्वाचे म्हणजे यामधून त्यांना पैसेही कमावता येतात. अनेकजण रील बनवण्याच्या नादात कोणत्या थराला जातील हे सांगता येत नाही. परंतु याच रीलच्या नादात एक धक्कादायक घटना घडली आहे. (Latest Marathi News)
रील बनवण्यासाठी आयफोन (iPhone) खरेदी करता यावा यासाठी एका जोडप्याने चक्क त्यांच्या 8 महिन्याच्या चिमुकल्याला विकले आहे. माणुसकीच्या नात्याला काळिमा फासणारी ही घटना पश्चिम बंगालमधील उत्तर 24 परगणा जिल्ह्यात घडली आहे. याप्रकरणी पोलिसांनी या जोडप्याला अटक केले आहे. विशेष म्हणजे काही महिन्यापूर्वी या जोडप्याला दोन वेळचे जेवण मिळत नव्हते.
परंतु, त्यांनी अचानक आयफोन घेतल्याने शेजाऱ्यांना त्यांच्यावर संशय आला. त्यांच्याकडे सखोल चौकशी केल्यानंतर त्यांनी आपले बाळ विकल्याची माहिती दिली. खारदह परिसरातून एका महिलेकडून बाळ ताब्यात घेतले आहे. त्या महिलेलाही पोलिसांनी अटक केली आहे. या जोडप्याला सात वर्षांची मुलगी असून ती अंमली पदार्थांचे सेवन करते. त्यांना तिलाही विकायचे होते . रंतु आम्ही तत्पूर्वी याची माहिती दिली असा आरोप शेजाऱ्यांनी केला आहे.
हे ही पहा