मिर्झापूर या वेब सीरिजला लोकांची खूप पसंती मिळाली. या सीरिजचे दोन भाग प्रदर्शित झाले असून चाहते तिसऱ्या भागाची आतुरतेने वाट पाहत आहेत. आता याबाबत मिर्झापूरच्या चाहत्यांसाठी एक आनंदाची बातमी समोर आली आहे. मिर्झापूरच्या तिसऱ्या सीझनच शूटिंग पूर्ण झाले आहे. याबाबत मिर्झापूरमधील गुड्डू पंडित ही भूमिका साकारणारा अभिनेता अली फजलनं सोशल मीडियावर पोस्ट शेअर करत माहिती दिली आहे.
जुळ्या बहिणींशी लग्न करणाऱ्या तरुणाच्या अडचणीत वाढ? राज्य महिला आयोगाने घेतली दखल
अलीनं सोशल मीडियावर मिर्झापूर वेब सीरिजच्या टीमचा फोटो शेअर केला आणि कॅप्शन मध्ये लिहिले की, “माझ्या सर्वात प्रिय आणि प्रिय टीमला, तुम्ही मिर्झापूरच्या जगात आणलेल्या प्रेमासाठी आणि मेहनतीबद्दल खूप खूप धन्यवाद. तुम्ही सर्वांनी मला अशा प्रकारे मदत केली आहे की मी लिहू शकत नाही. मला आशा आहे की तुम्ही सर्वांनी हे वाचले असेल कारण माझ्याकडे प्रत्येकाचे टॅग नाहीत. तर मी तुमचे आभार मानतो”.
Finance कंपनीच्या हप्तेवसुलीतून झालेल्या वादात तरुणावर गोळीबार
पुढे त्याने लिहिले की, “मागच्या दोन सीझनप्रमाणेच सीझन 3 हा देखील माझ्यासाठी खूप खास आहे. माझे सह कलाकार, तुम्हाला माहित आहे की तुम्ही सर्वोत्कृष्ट आहात. आणि तुला माहित आहे मी तुझ्यावर किती प्रेम करतो. अॅमेझॉनचे देखील आभार.” अशा शब्दांमध्ये त्याने कॅप्शन लिहिले आहे. माहितीनुसार, मिर्झापूर-3 ही सीरिज पुढच्या वर्षी रिलीज होणार आहे. या सीरिजच्या रिलीजच्या तारखेची घोषणा करण्यात आलेली नाही.